إنت بالمركز،
وكلنا إلكم.

تحجز من بيتك، وتعرف دورك قبل لا تطلع

تدوّر الطبيب بالاسم أو الاختصاص أو المحافظة، تختار اليوم، وتاخذ رقمك بالطابور ووقت تقريبي لدورك. وإذا الطبيب عنده خصم إلكم، تشوف السعر بعد الخصم.

اختار يوم واضغط «احجز»

توصل العيادة، والدور ماشي بلا دفتر

حجوزات التطبيق والحضور المباشر بطابور واحد. السكرتير يسجّل الضغط والسكر والوزن قبل لا تدخل، ويسجّل الدفع نقد أو بطاقة أو على الضمان، والرقم الحالي يطلع على تلفزيون الصالة.

اضغط «نادِ التالي»

الطبيب يشوفك كامل قبل لا تحچي

آخر تشخيص وآخر علاج وآخر النتائج واتجاه العلامات الحيوية، بشاشة وحدة. يكتب الوصفة من قالب جاهز، والتطبيق ينبّهه على الحساسية وتداخل الأدوية، ويرسل طلب التحليل للمختبر بضغطة.

ضيف دوا للوصفة وشوف شيصير

الطلب يوصل المختبر قبلك، والنتيجة ما تطلع قبل التسديد

المختبر يلگى طلب الطبيب جاهز، ويطبع وصل حراري بالأسعار ووقت التسليم ورمز يفتح النتائج. وما دام اكو مبلغ باقي، النتيجة مقفولة على الكل، حتى على الطبيب. تنفتح وحدها لحظة التسديد.

اضغط «سجّل التسديد»

صرف بضغطة، وجدول علاجك ينكتب وحده

الوصفة توصل الصيدلاني بخط واضح وجرعات منظمة. يضغط «صرف»، فيصير كل دوا علاج بهاتفك بجرعاته ومدته. والوصفة الورقية تنصرف بنفس الطريقة.

اضغط «صرف»

وهاتفك يتذكّر بدالك

إشعار بوقت كل جرعة حتى والتطبيق مسدود، وتنبيه قبل لا يخلص الدوا، وتذكير بموعد المراجعة الجاية اللي حدده الطبيب. وهنا ترجع النقطة لمكانها: إلك.